പ്ലൈമൗത്തിലെ ആശുപത്രിയില്‍ കോസ്റ്റ്ഗാര്‍ഡിന്റെ ഹെലികോപ്ടര്‍ ലാന്‍ഡ് ചെയ്തതിനെ തുടര്‍ന്നുണ്ടായ അപകടത്തില്‍ 80 വയസ്സുകാരി മരണമടഞ്ഞു. മറ്റൊരാള്‍ പരുക്കേറ്റ് ആശുപത്രിയില്‍ ചികിത്സയിലാണ്. ഡെറിഫോര്‍ഡ് ആശുപത്രിയിലാണ് എച്ച്എം കോസ്റ്റ്ഗാര്‍ഡ് ഹെലികോപ്ടര്‍ ലാന്‍ഡ് ചെയ്തത്. സംഭവത്തില്‍ രണ്ട് പേര്‍ക്ക് പരുക്കേറ്റതായി ഡിവോണ്‍ & കോണ്‍വാള്‍ പോലീസ് പറഞ്ഞു.
അപകടത്തില്‍ പരുക്കേറ്റ മറ്റൊരു വ്യക്തി ആശുപത്രിയില്‍ ചികിത്സയിലുള്ളതായി പോലീസ് അറിയിച്ചു. സംഭവത്തില്‍ പരുക്കേറ്റ പ്രദേശവാസിയായ 80-കാരിയാണ് മരിച്ചത്. ആശുപത്രിയിലേക്ക് ഒരു രോഗിയുമായി പറന്നതായിരുന്നു ഹെലികോപ്ടര്‍. ലാന്‍ഡിംഗ് സമയത്താണ് അപകടം സംഭവിച്ചത്.
സംഭവത്തില്‍ ബാധിക്കപ്പെട്ടവര്‍ക്കൊപ്പമാണ് മനസ്സെന്ന് മാരിടൈം & കോസ്റ്റ്ഗാര്‍ഡ് ഏജന്‍സി വക്താവ് പ്രതികരിച്ചു. പോലീസും, എയര്‍ ആക്‌സിഡന്റ്‌സ് ഇന്‍വെസ്റ്റിഗേഷന്‍ ബ്രാഞ്ചും അപകടത്തെ കുറിച്ച് അന്വേഷണം നടത്തുന്നുണ്ട്.
ഡെറിഫോര്‍ഡ് ആശുപത്രിയുടെ ഗ്രൗണ്ടില്‍ വെച്ചാണ് അപകടം ഉണ്ടായതെന്ന് ഡിവോണ്‍ & കോണ്‍വാള്‍ പോലീസ് സ്ഥിരീകരിച്ചു. എച്ച്എം കോസ്റ്റ്ഗാര്‍ഡ് ഹെലികോപ്ടര്‍ ഇവിടുത്തെ ഹെലിപാഡില്‍ ഇറങ്ങിയപ്പോള്‍ രണ്ട് പൊതുജനങ്ങള്‍ക്കാണ് പരുക്കേറ്റത്.
അപകടത്തില്‍ മരിച്ച 80-കാരിയുടെ ബന്ധുക്കളെ വിവരം അറിയിച്ചിട്ടുണ്ട്. സംഭവത്തെ കുറിച്ച് ഡിവോണ്‍ & കോണ്‍വാള്‍ പോലീസും, എയര്‍ ആക്‌സിഡന്റ്‌സ് ഇന്‍വെസ്റ്റിഗേഷന്‍ ബ്രാഞ്ചും അന്വേഷണം നടത്തുന്ന സാഹചര്യത്തില്‍ പ്രതികരിക്കുന്നില്ലെന്ന് ട്രാന്‍സ്‌പോര്‍ട്ട് ഡിപ്പാര്‍ട്ട്‌മെന്റ് വക്താവ് അറിയിച്ചു.
Facebook
Twitter
